Qazax rayonunda “Konstitusiya və
Suverenlik İli” çərçivəsində maarifləndirici xarakter daşıyan intellektual bilik yarışı təşkil olunub. Tədbir Qazax rayon Mərkəzi
Kitabxana
Sistemi və Mədəniyyət İşçiləri Həmkarlar İttifaqı Qazax rayon komitəsinin birgə
təşkilatçılığı ilə baş tutub.
Yarışda fəal oxucular və gənclər iştirak etmiş, onlar Azərbaycan
Respublikasının Konstitusiyası, dövlət quruculuğu və hüquqi biliklərə dair suallar ətrafında
biliklərini
sınayıblar. İştirakçılar arasında sağlam rəqabət və komandalararası əməkdaşlıq
mühiti
yaradılıb.
Tədbirin əsas məqsədi gənc nəslin hüquqi maarifləndirilməsi, dövlətçilik və
suverenlik
prinsipləri barədə məlumatlandırılması, vətənə bağlılıq və ictimai fəallığın təşviqinə
töhfə
vermək olub. Qalib komandalar təşkilatçılar tərəfindən diplom və hədiyyələrlə təltif
edilib.
Belə tədbirlər bir daha sübut edir ki, həmkarlar ittifaqları təkcə əmək münasibətlərinin
deyil, eyni zamanda cəmiyyətin intellektual və sosial inkişafının da əsas
dayaqlarından
biridir.
