Mədəniyyət İşçiləri Həmkarlar İttifaqı (MİHİ), əmək münasibətlərinin tənzimlənməsi və işçilərin hüquqlarının müdafiəsi sahəsində dövlət qurumları, işəgötürənlər və digər ictimai təşkilatlarla sıx əməkdaşlıq edir.
Sosial tərəfdaşlıq, əmək bazarında balansın qorunması və işçilərin rifahının artırılması üçün vacib mexanizmdir. MİHİ, bu istiqamətdə müxtəlif tərəfdaşlarla birgə layihələr həyata keçirir və əməkdaşlıq protokolları imzalayır.
Azərbaycanda işçilərlə işəgötürənlər arasında sosial dialoq əsasında ilk
kollektiv saziş 30 dekabr 1904-cü il tarixdə bağlanıb. Hazırkı dövrdə isə
ölkədə sosial dialoq əsasən üçtərəfli münasibətlər formatında həyata keçirilir.
Bu tərəflər Azərbaycan Respublikası Nazirlər Kabineti, Azərbaycan Sahibkarlar
(İşəgötürənlər) Təşkilatları Milli Konfederasiyası və Azərbaycan Həmkarlar
İttifaqları Konfederasiyasıdır.Azərbaycan
1992-ci ildə Beynəlxalq Əmək Təşkilatına üzv olaraq onun “Üçtərəfli məsləhətləşmələr
(beynəlxalq əmək normaları) haqqında” 144 nömrəli Konvensiyası daxil olmaqla
bir çox konvensiyasını ratifikasiya edib. Üçtərəfli müzakirələrin nəticəsi
olaraq Əmək və Əhalinin Sosial Müdafiəsi Nazirliyi “Sosial və iqtisadi məsələlər
üzrə Üçtərəfli Komissiyanın Əsasnaməsi”ni və Komissiyanın təsis edilməsi üçün qərar
layihəsini hazırlayıb.